Dunadónan di trabou ta trata migrantenan ku un pèrmit di estadia temporal otro for di otro trahadonan. Hendenan ku un desabilidat hopi biaha ta wòrdu tratá diferente inkonsientemente. Deskriminashon ta un problema ku ta tuma luga hopi na Hulanda Karibense. Djamars 18 di febrüari Tweede Kamer a vota riba e inklushon di e lei riba Hulanda Karibense. Un proseso ku ta nesesario pero difísil. Seis pregunta i kontesta.
Imágen: © Roëlton Thodé
1. Kon grandi e problema di deskriminashon ta riba Hulanda Karibense?
E ministerio di interior i relashonnan di reino a laga hasi un investigashon na deskriminashon riba Hulanda Karibense. E investigashon aki a wòrdu hasí dor di DSP-groep i a wòrdu publiká riba 12 di sèptèmber 2024.
Mas ku 40 porshento di e populashon a yega di eksperensia deskriminashon. Un porsentahe ku ta 2 pa 4 biaha mas haltu ku na Hulanda Oropeo.
Riba e islanan deskriminashon ta tuma luga na diferente manera i basá riba diferente tereno. Manera nashonalidat, orígen, género, edat i orientashon seksual. E ta bai tokante e ningamentu di hende of hasta eksklushon di hende. Tambe hende ta eksperensia komentarionan deskriminatorio, dor di tenta, menasa òf violensha verbal. Violensha físiko kasi nunka ta tuma luga.
Deskriminashon hopi biaha ta wòrdu mirá komo un tabú. Lokual ta hasi diskushon tokante e tema difísil. I ku ta kousa ku hende ta wòrdu tratá desigual sin realisá esaki. Un ehempel di esaki ta hende ku un desabilidat. Pa hende ku un desabilidat, bida riba e islanan ta mas difísil. Hopi biaha ta kompliká pa, por ehempel, por sali for di kas. No tin transporte adekuá. Esaki ta un di e hopi retonan ku hende ku un desabilidat ta topa. Kasi nan no por partisiapá den bida diario.
Ademas faboritismo tambe ta un problema komun. Esaki ta nifiká ku hende den un bon posishon ta faboresé of duna preferensha na konosínan. Nan ta trata siudadanonan ku no ta parti di nan sírkulo desigual of nan ta ekskluí nan kompletamente. Ora e ta tokante un sírkulo di hende ku ta basa por ehempel riba un denominashon politiko of religioso, e ora ei faboritismo por ta deskriminatorio. Pero esaki hopi biaha no ta e kaso.
2. Kon e habitantenan ta mira deskriminashon?
Loke deskriminashon ta nifika legalmente ta pa un siudadano promedio hopi biaha difísil pa kalkulá. Esaki no ta diferente pa Hulanda Karibense.
Ademas e opinionnan tokante e nifikashon di e konsepto “deskriminashon” ta diferente riba kada isla. Pa e motibu aki hende hopi biaha no ta na haltura ku na ta diskriminá un otro of wordu diskriminá nan mes.
Ademas ta bon pa realisá ku tabata difísil pa haña hustisia riba Hulanda Karibense. Pa un largu tempu no tabatin un luga kaminda un persona por a bai ora e a pensa ku e a wòrdu perhudiká. No tabatin un loket hurídiko of un fasilidat kontra deskriminashon. No tabatin kuido primario.
Pero asta si di un manera òf otro bo por a prepará un kaso i kier a bai korte, esei no tabata posibel riba Sint Eustatius i Saba. Simplemente no tabatin un korte. Reseintemente si esaki a wòrdu establesé. Na Boneiru pa algun tempu kaba tin un korte, pero hopi biaha hende no sa hasi uso di solushonnan hurídiko.
Pa e motibu aki hinter e idea di tin i para pa bo derechinan ta algu apstrakto pa hopi siudadano. E investigashon di DSP ta mustra klaramente: hopi hende tin tiki informashon tokante di deskriminashon. Pero ahinda ta paresé ku e tema aki ta biba enormemente den pueblo i ta lanta emoshonnan fuerte.
3. Kua lei eksaktamente ta wordu introdusí?
Segun artikulo 1 di e konstitushon hulandes ningun hende na Hulanda inkluiendo Hulanda Karibense tin mag di deskriminá otro. E gobièrnu hulandes a elabora riba e regla aki den e lei di trato igual. Pero e lei aki no ta konta pa Hulanda Karibense ahinda. Ku e lei “protekshon kontra deskriminashon riba BES” esaki ta kambia. Despues ku e lei aki wordu introdusí e lei di trato igual lo wordu apliká den su totalidat pa Hulanda Karibense.
Kiko e lei di trato igual ta?
Den e lei di trato igual tin para ku deskriminashon dor di góbiernu i entre siudadanonan ta prohibí. E lei ta konsisití di e siguente leinan:
- Lei general di trato igual
- Lei di trato igual di hende ku un desabilidat of un malesa króniko (hendenan ku un desabilidat of malesa króniko mester wòrdu trata na mesun manera ku tur otro hende)
- Lei di trato igual basa riba edad na trabou (ku hende jong of mas na edad mester wòrdu trata na mesun manera ku hendenan ku no ta jong of na edad)
- Lei di trato igual di hende hòmber i hende muhé (ta prohibí pa hasi un distinshon entre hende hòmber i hende muhé na trabou)
- Lei di distinshon di orario di trabou (ku hende ku ta traha part time mester wòrdu trata igual ku hende ku ta traha fulltime)
- Lei di distinshon periodo fiho i indefiní (ku hendenan ku un kotrakto di trabou pa un periodo indifiní mester wòrdu trata igual ku hendenan ku un kontrakto di trabou fiho)
- Lei di trabou fleksibel (hendenan ku un kontrakto di trabou fleksibel mester wòrdu trata igual ku hendenan ku un kontrakto di trabou fiho)
- Lei di trabou i kuido (pa hendenan por haña liber pa por kuida otronan, manera liber pa motibu di maternidat)
Ki ora e lei nobo lo wordu introdusí?
E minister di interior i relashonan di reino a disidí den januari 2023 ku e lei di trato igual lo bai konta pa Hulanda Karibense. E minister a introdusí e proyekto di lei na Tweede Kamer riba 3 di mei 2024. Durante e debate di 11 di februari 2025 Tweede Kamer a diskutí riba e lei. Awor e lei ta dilanti di Eerste Kamer. Eerste Kamer mester akordá e lei. Ta férwagt ku e lei lo drenta na vigor kuminsamentu di 2026.
4. Kiko ta nesesario praktikamente riba e islanan?
Fasilidat kontra deskriminashon
Den e lei protekshon kontra deskriminashon riba BES tin para ku un fasilidat pa asistensia independiente den kaso di deskriminashon tin ku bini riba e islanan. Esaki ta nifiká ku e ministerio di asuntunan interior i relashonnan di reino lo establesé un fasilidat kontra deskriminashon. Ta eksistí vários kaba na Hulanda Oropeo.
Nan ta puntonan kaminda hendenan ku a eksperensiá deskriminashon por meldu. Un hurista lo yuda e persona ku a meldu wak si di berdat e a eksperensiá deskriminashon i si ta bale la pena pa bai dilanti di e Kolegio di Derechi di Hende. Nos despues por huzga si un persona a wòrdu deskriminá si òf nò.
Mesa di asistensia hurídiko
Ministerio di asuntunan interior ta traha huntu ku ministerio di hustisia i seguridat. Nan ta lanta un fundashon huntu. Esaki lo inkluí un mesa di asistensia hurídiko i un fasilidat kontra deskriminashon. Pues kualke hende ku tin un problema hurídiko, sea ta trata di deskriminashon òf nò, por bai einan pa asistensia hurídiko di promé liña grátis. E dos ministerionan ta bezig aktualmente ku e preparashonnan.
Nos ta huzga kehonan di deskriminashon
Ku e introdukshon di e lei protekshon kontra deskriminashon riba BES gobièrnu a ekstendé e mandato di e Kolegio. Pa e motibu aki nos por huzga riba kehonan di deskriminashon di siudadanonan di Hulanda Karibense.
Esaki ta nifika ku siudadanonan por entrega un petishon na e Kolegio. E Kolegio ta evaluá e petishon aki. Tin 4 resultado ku ta posibel:
- E Kolegio ta kuminsa un proseso di mediashon.
- E Kolegio ta kuminsa un investigashon na e problema en general.
- E Kolegio lo evaluá e petishon i duna un deklarashon si e solisitante a wòrdu diskriminá si of no. Na e momentu aki e Kolegio lo hasi un evaluashon di kada situashon spesifikamente.
- E Kolegio lo tuma nota di e petishon komo un siñal, pero lo no kuminsa un invetigashon of un preseso di mediashon, paso tin muchu tiki puntonan di referensia.
5. Kon nos ta tene kuenta ku e konteksto lokal?
Nos ta papia hopi ku hendenan riba e islanan. Nos ke sa kon nan ta mira deskriminashon, ki ora nan lo hasi un petishon pa un deklarashon di e Kolegio, pa kua motibu nan lo hasi un petishon, i kiko nan pensamentunan i sintimentunan ta tokante sierto tópikonan. Nos ke tene kuenta ku esakinan sin desviá di e lei.
Nos ta pone miembronan di Kolegio suplente, ku sa hopi tokante e situashon riba e islanan. Nan ta tene kuenta ku e konteksto lokal den nan evaluashonnan. Na lo, por ehempel, tene kuenta ku sierto medidanan ta difísil pa implementá den e konteksto Karibense. E miembronan di Kolegio suplente lo wak kiko si ta posibel.
Otro for di Hulanda Oropeo e proseso di mediashon lo ta un parti importante di nos trabou. Den Hulanda Karibense hopi biaha e demandante i akusado lo konose otro personal. Nan ta bai, por ehempel, e mesun misa, of nan yunan ta bai e mesun skol. Komunidatnan ta chikitu i hendenan te dependiente di otro. Pesei un deklarashon lo no semper ta e mihon solushon pa kada situashon.
Tòg nos ke transmití ku tur hende tin derechi i ku ta bon pa apela riba esei ora ta nesesario. Nos ke demostra ku un sosiedat kaminda hende ta wòrdu tratá igual ta trese benifisio pa hinter e sosiedat. I ku otro problemanan tambe por bira menos ora hende wòrdu tratá igual, por ehempel riba e área di siguridat di subsistensia.
6. Kiko ta nesesario pa e lei ta eksitoso?
Pa e lei di trato igual drenta Hulanda Karibense eksitoso lo tuma hopi tempu i pasenshi. Tin hopi dòlò bieu. E relashon entre Hulanda Oropeo i hulanda Karibense no a kuminsa a base di trato igual i ahinda hopi hende ta mira ku gobièrnu ta trata habitantenan di Hulanda Oropeo diferente of hasta mihon ku habitantenan di Hulanda Karibense.
Pa e motibu aki ta krusial pa papia ku hopi hende i keda skucha kon sierto temanan ta biba den pueblo i kua retonan ku hende ta eksperensiá. I pa ahustá nos trabou kaminda ta posibel riba esaki.
Tambe ta importante pa duna bon informashon tokante derechi di hende en general i trato igual spesifikamente. Asina hende lo rekonosé mas lihé ora nan ta wòrdu deskriminá i tambe sa kiko nan por hasi si esaki ta e kaso.