Privasidat

Entidat responsabel pa prosesá

E Instituto ta responsabel pa prosesá datonan personal i ta tambe e usuario di e deklarashon di privasidat aki. Esaki ta nifiká ku e Instituto ta disidí kua dato personal ta wòrdu prosesá, ku ki propósito, i na ki manera. E Instituto ta responsabel pa sòru pa bo datonan personal wòrdu prosesá di akuerdo ku e OGPD.

Prosesamentu di Dato Personal

Si bo registrá pa un di nos servisionan, manera e boletin, edukashon i informashon tokante derechonan humano, òf si bo yena un notifikashon òf formulario di keho riba nos wèpsait, nos lo pidi bo pa bo datonan personal. Esakinan ta datonan personal manera definí den artíkulo 4, sekshon 1 di e OGPD: nòmber, adrès, sekso, fecha di nasementu, i number di telefòn.

Ademas, nos ta prosesá datonan personal spesial tokante bo ora ta nesesario, si bo ta hasi uso di nos servisionan i/òf pasobra bo mes a proveé ​​esaki na nos. E siguiente datonan personal (spesial) por wòrdu usá:

• datonan médiko
• puntonan di bista polítiko
• kreensianan religioso òf filosófiko
• rasa òf orígen étniko
• orientashon seksual

Pa kiko e Instituto ta usa bo datonan personal?

Datonan personal ta nesesario pa e desempeño korekto i kuidadoso di e tareanan segun lei di e Instituto. E tareanan aki ta stipulá den Lei di Instituto Nashonal pa Derecho Humano (“WCRM”) i ta enserá entre otro e siguiente aktividatnan:

• informashon i edukashon tokante derechonan humano;
• investigashon riba derechonan humano;
• manehá petishonnan pa un evaluashon di si diskriminashon a tuma lugá bou di legislashon di trato igual;
• reportá i hasi rekomendashonnan tokante derechonan humano;
• duna konseho riba (konsepto) di maneho ku ta relashoná direktamente òf indirektamente ku derechonan humano.

E Instituto ta usa bo datonan personal solamente pa e propósitonan menshoná. Hasiendo esaki, e Instituto ta usa solamente e datonan ku nos ta konsiderá nesesario òf útil pa e situashon.

Almasenamentu di bo datonan

E datonan ku bo ta duna ta wòrdu wardá na un manera sigur. Warda e-mail, karta òf datonan di telefòn ta nesesario pa e suministro kontinuo di nos servisio. Esaki ta enserá duna informashon i edukashon. Almasenamentu ta sosodé di akuerdo ku e rekisitonan di e OGPD i e Lei di Archivo 1995.

Kontakto anónimo ta posibel

E Instituto ta warda datonan di e-mail, karta i kombersashonnan telefóniko tambe pa por analisá e kantidat di pregunta i notifikashon pa kada tópiko.

E Instituto no ta kompartí dato ku terser partidonan a ménos ku bo a duna bo konsentimentu eksplísito. Bo por tuma kontakto ku e Instituto di forma anónimo tambe. Òf bo por pidi pa no registrá dato personal den kaso di un pregunta òf notifikashon.

Petishon pa un desishon (formulario di keho)

Un di e tareanan segun lei di e Instituto ta pa investigá (riba petishon) si diskriminashon bou di legislashon di trato igual a tuma lugá den kasonan individual i pa emití un desishon riba e asuntu aki. Petishonnan pa un desishon risibí online ta wòrdu wardá riba un server sumamente sigur. E datonan personal (spesial) ku bo ta yena lo wòrdu usá pa evaluá si e Instituto por prosesá bo keho.

Kehonan anónimo no ta posibel

Pa hasi e tarea aki korektamente ta rekerí prosesá bo datonan. Di otro manera, e Instituto no por evaluá si un keho por wòrdu prosesá. P’esei, no ta posibel pa entregá un keho anónimo.

Prosedimentu

Si e Instituto a disidí di prosesá un keho i a inisiá e prosedimentu, e lo duna bo datonan personal na e otro partido (e partido kontrali). E Instituto ta hasi esaki pa garantisá e derecho di wòrdu skuchá. E datonan por wòrdu suministrá tambe na un eksperto enkargá pa e Instituto pa duna konseho den bo kaso. Partidonan lo wòrdu informá di antemano na ken nan datonan personal lo wòrdu suministrá. Prosesamentu di bo datonan personal (spesial) ta nesesario pa e evaluashon korekto i kuidadoso di petishonnan. Bo ta legalmente obligá pa duna e datonan aki (artíkulo 6 “WCRM”). E Instituto ta prosesá solamente datonan ku ta rasonablemente (òf: lógikamente) nesesario pa ehekushon di su tareanan. 

Desishonnan riba e wèpsait

E Instituto ta publiká su desishonnan riba e wèpsait. E nòmbernan di e demandante(nan) no ta inkluí den e sentensia. E nòmbernan di e akusado(nan) si, a ménos ku tin motibunan konvisente pa no hasi esaki. Lesa mas tokante nos reglanan di publikashon pa desishonnan. 

Husgando bo mes akshonnan

Asta ora organisashonnan i kompanianan pidi un evaluashon di nan propio akshonnan, prosesamentu di datonan personal (spesial) ta nesesario pa un evaluashon korekto di e kaso. E organisashonnan i kompanianan aki por entregá un petishon motivá na e Instituto pa no divulgá nan nòmber den e evaluashon publiká.
 

Investigashon i enkuestanan

E Instituto tin e deber segun lei pa hasi investigashon sosiológiko, empíriko riba e situashon di derechonan humano na Hulanda. E Instituto ta usa, entre otro, enkuestanan pa esaki. Den e kuadro aki, e Instituto ta warda datonan personal (spesial) tambe, ora ta nesesario. Solamente datonan (anónimo) relevante pa e resultadonan di investigashon lo wòrdu inkluí den e resultado di investigashon publiká.

Reklutamentu i selekshon

Datonan di aplikashon lo wòrdu destruí denter di kuater siman despues di rechaso. E Instituto por pidi e solisitante su pèrmit pa retené e datonan di aplikashon pa seis luna pa potensial vakaturanan adekuá den futuro. Pa otro guianan pa prosesá i warda datonan di aplikashon, por fabor referí na e kódigo di aplikashon di e Asosiashon Hulandes pa Maneho di Personal i Desaroyo Organisashonal (“NVP”).

Nos wèpsait

Estadístika di wèp

E wèpsait di e Instituto ta usa estadístika di wèp. E wèpsait www.humanrightsincn.nl (inkluso su sup-dominionan ku ta forma parti di dje) ta usa kuki analítiko i funshonal. Meskos ta konta pa e vershonnan na ingles i papiamentu di e wèpsait aki. E kukinan aki no ta kontené dato personal. Ademas, e datonan no ta wòrdu kompartí ku terser partidonan.

Nos ta usa kuki pa kolektá estadístika tokante uso di e wèpsait. Ehèmpelnan ta inkluí e kantidat di bishitante, páginanan i tópikonan popular. E meta ta pa mehorá e wèpsait i, kaminda ta posibel, adapt’é mihó na nesesidatnan di e usuario.

Nos no por rastreá e kukinan aki bèk na un kòmpiuter òf individuo. P’esei, nos no ta rekohé dato personal a traves di e kukinan i no ta usa e informashon rekohé pa propósitonan otro ku esnan deskribí ariba, spesialmente no pa propósitonan komersial. Lesa mas tokante e uso di kuki.

Potrètnan riba e wèpsait

Algun potrèt ta wòrdu saká pa un fotógrafo enkargá pa e Instituto. E fotógrafo òf e Instituto ta regla e konsentimentu di e personanan ku ta saka potrèt di dje. Nos ta registrá esaki den un asina yamá renunsia di derecho (derecho di potrèt).

Tin biaha, komo parti di un kampaña di publisidat, bo por wòrdu pidí pa manda òf upload dato personal òf potrèt (sèlfie) na e wèpsait. Dor di entregá òf upload e datonan aki, bo ta duna e Instituto pèrmit pa usa esakinan òf e potrètnan pa e kampaña en kuestion. Bo por retirá e pèrmit aki despues i laga eliminá e datonan entregá. Lesa mas tokante derecho di outor di potrèt.

Terser Partinan Online

E Instituto ta trata e datonan personal ku bo ta proveé ​​nos kuné konfidensialmente. Nos ta link regularmente na e wèpsaitnan di otro organisashonnan. Nunka nos lo usa òf kompartí bo datonan personal den e kasonan aki. Si bo ta aksesá otro wèpsait via lenknan riba nos wèpsait, e reglanan di e partidonan ei tokante e maneho di bo informashon personal i privasidat ta konta. P’esei nos ta rekomendá bo enfátikamente pa lesa nan stipulashonnan di privasidat kuidadosamente.

Periodo di Retenshon

E Instituto lo no retené bo datonan personal mas largu ku ta nesesario pa e propósitonan menshoná den e deklarashon di privasidat aki, di akuerdo ku e guianan di e OGPD. Ademas e mester kumpli ku e reglamentonan di Lei di Archivo 1995, segun e dokumento “Lista di seleccion di Ministerio di Husticia i Seguridad i su predesesornan di 5 di mei 1945”. E dokumento aki a keda publiká den Korant di Gobièrnu di 12 di aprel 2021, bou di number 17848.

Kompartí ku terser partidonan

E Instituto no ta suministrá ​​bo datonan na terser partidonan a ménos ku esaki ta nesesario pa ehekushon di su tareanan segun lei. Nos ta sera un akuerdo di prosesamentu di dato ku organisashonnan ku ta prosesá bo datonan na nos petishon. Esaki ta garantisá e mesun nivel di seguridat i konfidensialidat ora di usa bo datonan. E Instituto ta keda responsabel pa e prosesamentu aki.

Seguridat

E Instituto ta tuma medidanan apropiá pa prevení mal uso, pèrdida, akseso no outorisá, i otro akshonnan indeseabel ku datonan personal. Bo datonan lo no wòrdu prosesá pafó di UE. Datonan personal registrá den forma físiko, manera den archivonan di kaso, ta wòrdu wardá den un espasio ku por sera pa prevení akseso no outorisá.

Bo derechonan komo persona konserní

Bo tin e derecho di haña akseso, koregí òf eliminá bo datonan personal. Tambe bo tin e derecho di restringí e prosesamentu di bo datonan. Si bo a duna konsentimentu pa e prosesamentu di bo datonan personal, bo tin tambe e derecho di risibí e datonan ei (den un forma ku ta mashin por lesa).

Petishon di Privasidat

Pa tur e asuntunan aki (eliminashon di bo datonan, restrikshon di e prosesamentu di bo datonan, etc.), bo por entregá un petishon di privasidat na e Instituto. Esaki por wòrdu hasí solamente por eskrito i ku motivashon. Pa hasi esaki, download e formulario di petishon di privasidat, yena esaki

kompletamente, i mand’é via e-mail òf pòst pa e kolaborador di privasidat di e Instituto. Detayenan di kontakto ta na parti abou di página aki di e wèpsait aki. E Instituto lo manda bo un kontesta (relashoná ku kontenido) riba bo petishon no mas tardá ku un luna despues di risibí bo petishon.

Identifikashon den persona

Ta importante pa bo por identifiká bo mes ora di entregá un petishon i demostrá ku e datonan ku bo ke aksesá, koregí òf eliminá en realidat ta di bo. No ta permití pa haña akseso na datonan ku ta pertenesé na otro hende. P’esei, bo por wòrdu invitá pa presentá personalmente na e Instituto pa metanan di identifikashon.

Pa menornan di edat (bou di 16 aña) i personanan bou di kuratela, petishonnan pa akseso, korekshon òf eliminashon mester wòrdu entregá dor di nan representantenan legal. Despues e Instituto lo kontestá e petishon na e representantenan legal.

Gastunan

Entrega di un petishon di privasidat por lo general ta grátis, pero por apliká gastunan pa petishonnan hopi ekstenso i kompleho.

Mas informashon

Tokante derechonan di privasidat

Bo ke sa mas tokante bo derechonan pa loke ta trata bo datonan personal registrá? Lesa mas tokante bo derechonan di privasidat.

Tokante legislashon di privasidat

• Mas informashon tokante legislashon di privasidat por wòrdu hañá riba e wèpsait di gobièrnu hulandes wèpsait di gobièrnu hulandes.

• E Instituto tin un ofisial di protekshon di dato. E ofisial (eksterno) independiente aki ta monitoreá e aplikashon di legislashon di privasidat na e Instituto i por wòrdu alkansá na fg@mensenrechten.nl.
• E Instituto ta kontentu di yuda bo ku kualke keho tokante e prosesamentu di bo datonan personal. Si nos no por resolvé e asuntu huntu, bo tin e derecho tambe, bou di legislashon di privasidat, pa entregá un keho na e outoridat di supervishon di privasidat (Outoridat di Protekshon di Datonan).

Kambionan

E Instituto por kambia e deklarashon di privasidat aki de bes en kuando. E vershon aktual semper por wòrdu hañá riba e wèpsait aki.

Preguntanan i informashon di kontakto

Si bo tin kualke pregunta tokante e deklarashon di privasidat aki, bo por tuma kontakto ku e kolaborador di privasidat di e Instituto via e-mail (privacy@mensenrechten.nl). Bo por skirbi un karta tambe na e siguiente adrès:

College voor de Rechten van de Mens
t.a.v. de Privacy Officer
Postbus 16001
3500 DA Utrecht

Fecha di último kambio: 19 di yanüari 2026