Un lugá seif pa biba, haña kuido di salú ora bo ta malu i haña trato meskos ku kualke otro persona. Esei tur ta derechonan humano. Derechonan ku ta konta pa tur hende.
Nos ta e Instituto Nashonal pa Derecho Humano; un organisashon independiente. Nos ta protehá derechonan humano di tur hende na Hulanda, inkluso Boneiru, Sint-Eustatius i Saba.
Nos ta hasi investigashon riba derechonan humano, konsehá gobièrnu riba legislashon i maneho i nos ta duna informashon. Tambe nos por evaluá pa habitantenan si nan a eksperensiá diskriminashon.
Derechonan humano i trato igual ta parti di bida diario. Bo por ta puntrando bo mes si algu ku bo a eksperensiá tabata diskriminashon òf trato desigual.
Na e momentunan ei, por tuma kontakto ku nos. Nos ta splika kiko bo derechonan ta, evaluá e situashon i yuda yega na un solushon.
Pues, sinti bo liber pa tuma kontakto ku nos via Facebook. Por bishitá www.humanrightsincn.nl pa mas informashon.