Kon pa hasi un petishon pa un huisio na e Instituto?
Bo ta kere ku bo a wòrdu diskriminá? Entrante promé di yanüari bo por entregá un keho grátis na Instituto Nashonal pa Derecho Humano. E Instituto lo investigá si ta trata di diskriminashon segun lei. Nos lo konsiderá tambe si mediashon por ta un solushon apropiá den sierto kasonan.
Aki, nos ta splika paso pa paso kon pa entregá un keho i kon e proseso ta sigui.
E prosedura di keho den 5 paso
Manda nos un email na info@mensenrechten.nl pa informá nos ku bo ke entregá un keho di diskriminashon. Un di nos koleganan lo asistí bo.
Formulario di keho
For di mart 2026 bo por entregá un keho dor di yena nos formulario di keho. E formulario akí lo yuda bo deskribí bo situashon paso pa paso. Unabes nos risibí bo formulario, nos lo manda bo un konfirmashon.
Bo mester di yudansa pa yena esaki? Bo por haña sosten serka e fasilidat pa kombatí diskriminashon den bo bario. Den e promé parti di 2026 ta bai bin un Lokèt Hurídiko na Boneiru i un Legal Desk na Saba i Statia. Tambe bo por tuma kontakto ku nos direktamente si bo tin kualke pregunta òf mester di asistensia.
Un konsehero hurídiko di e Instituto lo tuma kontakto ku bo via telefòn. Den e kombersashon aki:
Nos lo trata bo keho.
Nos por pidi informashon adishonal.
Nos lo determiná si e Instituto por atendé bo keho.
Nos lo papia ofer di si mediashon (“mediation”) ta un posibel solushon. Si mediashon ta posibel i deseabel, nos lo tuma kontakto ku e otro partido (e akusado). Si e akusado tambe ta para habrí pa mediashon, nos lo tuma kontakto ku un mediadó eksterno.
Bo keho ta wòrdu prosesá? I mediashon no ta posibel òf deseabel? E ora ei e pasonan aki ta sigui:
E akusado lo wòrdu pidi un kontesta por eskrito tokante e keho: un apologia.
Lo bo mira e kontesta aki tambe pa asina tur dos partido komprondé otro su punto di bista.
Tur otro informashon por eskrito ku e partidonan ta kompartí ku e Instituto durante e prosedura tambe lo wòrdu mandá pa e otro partido. Di e manera aki, tur dos partido tin un imágen kompleto.
Si mediashon no ta posibel, òf si e no ta eksitoso, por lo general un seshon ta sigui.
Esaki ta tuma lugá na Korte Komun di Hustisia na Bonaire, Sint Eustatius òf Saba.
Durante e seshon, ámbos partido por presentá nan kaso.
E seshon por lo general ta dura un ora. Bo por asistí na e seshon di manera digital tambe.
E Instituto ta hasi pregunta i ta anunsiá na final di e seshon ki dia e desishon lo wòrdu emití.
Tin biaha un seshon no ta nesesario si tur informashon ta kla riba papel kaba.
E Instituto ta emití un desishon: tabatin diskriminashon òf no? Fuera di esei ta konta:
Tur desishon ta wòrdu publiká riba nos wèpsait, sin e nòmbernan di e demandante òf e akusado.
E desishon ta outoritario, por ehèmpel, pa organisashonnan i huesnan. Esaki ta nifiká ku nan mester tene kuenta ku un desishon i no por ignorá esaki.
E Instituto no por imponé kastigu òf but. Sinembargo, hopi organisashon ta tuma akshon despues di un desishon. Por ehèmpel ku un gerente ta ofresé un diskulpa. Òf ku e organisashon ta kambia su reglanan.
Ora kaba, nos ta puntra tur dos partido kiko a hasi ku e desishon.
Importante pa sa
E prosedura ta grátis.
E Instituto por diktasolamente riba situashonnan ku ta kai bou di legislashon di trato igual. Wak tambe nos página tokante e derecho di trato igual.
Bo no mester di un abogado.
E Instituto ta independiente i ta huzga a base di echonan i legislashon.
